Myndir

Duglegir bræður og vel upp aldir :)

Þessi segir sig alveg sjálf og heitir:

"Spekingar spjalla"

Tekið í ágúst 2005 ef ég man rétt...

Ekki tími í meira í bili, en fljótlega fleiri myndir :)

Till next...adios

Mismisskilið...

Mis-misskildar konur, það er þær konur sem hafa skilið oftar en einusinni, þær skiptast má segja í tvo flokka.
Í fyrri flokknum eru þær sem eru gersamlega búnar að fá nóg af öllum karlmönnum (og virðist fyrri reynsla mjög misjöfn, stundum slæm og stundum ekki) og nánast sjá rautt þegar þeir ganga framhjá...burtséð frá því hvort þær þekkja viðkomandi eða ekki.
Þær hreinlega þola ekkert karlkyns nær sér en svona ca.kílómeter radíus. Og því verður bara ekki breytt!!!
Í seinni flokknum eru þær vongóðu. Eru kanski búnar að brenna sig einu sinni eða oftar á "óheppilegum" karlmönnum. En eru þess fullvissar og bara ansi bjartsýnar á það að "sá eini sanni" sé þarna einhversstaðar úti...Bara svolítið erfitt að finna hann.

Ég er ansi hrædd um að ég tilheyri seinni flokknum, þó er ég stundum að hugsa um hvort það væri ekki bara gáfulegra að vera í þeim fyrri........

Till next...adios

Pirri pirri

Talandi um hvað einn stafur getur skift miklu máli. Ef ég hefði t.d skrifað Piri Piri þá væri ég eflaust að gefa hér uppskrift af mjög góðum kjúklingarétt.
En svo gott er það ekki!
Þetta er búinn að vera pirr dagur mánaðarins, ef ekki bara ársins!
Og það versta kanski að ég veit eginlega ekki útafhverju ég er svona pirruð...
En dagurinn byrjaði svona....

Einhverntíman eldsnemma um 8 leitið kom kisa litla (humm reyndar er hún að verða rosaleg fitubolla) hoppandi upp í rúm og malaði og nuddaði sér út í allt og alla. Þá vaknaði Mikael (sem sennilega hefði nú vaknað hvort sem er fljótlega) og fór að klappa og kisu og svo að horfa á barnaefni í sjónvarpinu.
-Vek athygli á því að þarna er enginn pirringur byrjaður-

Ég reyni að sofa eitthvað aðeins lengur, en það gengur illa þar sem guttinn vill fá morgunmat með barnaefninu. Ég redda því og reyni svo aftur að sofa aðeins lengur...
Svo kemur Mikeal og vill fara að drífa sig í íþróttaskólann...sem var svo sem í lagi nema það var ennþá rúmur klukkutími í það.
En ég dröslaðist a.m.k á fætur og fékk mér staðgóðan morgunmat (CocoPuffs) svo ákvað ég að skella mér í heita sturtu þar sem mér var kallt og óttarlega drusluleg...

Kl.11:00 var ég mætt með Mikael í íþróttaskólann þar sem hann fékk að hlaupa um og hoppa undir leiðsögn í klukkutíma...

Svvo fórum við heim og ég plataði Mikael til að horfa á eina teiknimynd með mér, þar sem ég var enn þreytt, kallt og drusluleg...svo dormaði ég yfir sjónvarpinu meðan hann horfði.

SVo um kl.15:23 var tekin sú ákvörðun af fara í búð, aðallega vegna þess að ísskápurinn var orðinn tómari en hausinn á sumu fólki, sem ég fer ekki nánar út í hér....

Og það var á þessum tímapunkti sem að pirringurinn hófst fyrir alvöru.... í fyrsta lagi, þá var einhver djö...um að vera á Glerártorgi. Öll bílastæði full, en ég fann eitt fyrir rest. Svo var allt fullt af fólki á Glerártorgi, sem ég hefði nú kanski átt að geta sagt mér sjálf, svona með tilliti til bílaflotans þar fyrir utan.
Þegar inn var komið, var byrjað á að troða blöðrum á strákana. Og þeir sem hafa ekki prófað að fara með börn og blöðrur í búð, skulu bara endilega sleppa því...það er bara hreint ekki gaman. Fyrir utan öll börnin sem ég átti ekkert í og voru með blöðrur í búðinni!
Þegar ég er í búð þá finnst mér nógu leiðinlegt að hlusta á suð um að kaupa hitt og þetta dót, þó ekki bætist við að hafa blöðrur í andlitinu reglulega.

Vilut kaupa dót...geeeeeeerðu það´, þá ertu beeeeeest..SVo er komið hlaupandi með bissu og :"mig langar í svona"
Ég labba um búðina tuldrandi nei -nei-nei-nei!
Kaupi samt nammi í poka til tilefni laugardags en verst allra dótakaupa.
Svo þegar ég kem að kassanum er þolinmæði mín orðin svo svakalega lítil að hún er vart greinanleg.
Þegar Mikael segir í 67 skiptið "má ég fá svona" þá segi ég NEI svo hastarlega að afgreiðslustrákurinn hrekkur meira við en Mikael...

Þegar ég er búin að troða í marga marga poka, með blöðrur í andlitinu, þá treðst ég í gegn um mannþröngina sem var allt í einu orðin miklu miklu meiri en þegar ég fór inn í búðina, og var hún þó mikil þá! Þá var hann Kristján horfinn...
Ég skima og skima en sé engan Kristján, í von um að hann hafi kanski farið út í bíl, fer ég þangað með innkaupakerruna og lesta bílinn. Nei, auðvitað var enginn Kristján þar svo ég þarf aftur inn í þetta víti...
Ég skutla kerrunni inn í asnalega kerrugeymslu, en þar sem ég labba í burtu þa´heyri ég að helv. kerran rennur af stað út á bílastæði, í sama mund og einhver sem kemur út segir:"Hæ" ég kvessi augunum á einhverja konu sem ég kannast ekkert við, og þríf kerruna og skutla henni aftur á sinn stað. Ætla svo aftur inn og sé þá konugreiið sem hafði verið að heilsa mér, ég leit bara á vitlausa manneskju....jæja, ég segi hæ, og segir bara að þetta hafi verið pirrandi verslunarferð, og hún lítur á mig efins á svip. Eflaust að velta fyrir sér hvort ég sé nú loksins búin að tapa mér endanlega....
Sem betur fer fann ég nú Kristján fljótlega, en samt var einhver frambjóðandi búinn að ota að mér bækling og segja" viltu kynna þér frambjóðanda" og ég sagði bara "nei".

Jú og þegar ég fann Kristján þá sagði hann: "þú verður að kaupa blöð" og ég nánast argaði á hann: "gastu ekki sagt það inni í búðinni?" og Kristján greiið sagði að hann hefði gert það nokkrum sinnum...en ég sagði ;, þú gerðir það ekki neitt! Og var nú verulega farið að síga í mína! Svo vægt sé til orða tekið...

En loks komst maður út úr þessari ormaholu og ók ég heim á leið, og ótrúlegt en satt var sá bíltúr tíðindalítill.

Þegar heim var komið fór ég að hugsa um afhverju í andsk... ég væri svona rosalega pirruð, og eftir stutta umhugsun, þá hélt ég að það gæti verið vegna þess að ég hafði bara borðað morgunmat kl.10 og svo ekki neitt eftir það...og þar var komin hugsanleg skýring, vonandi ;)

SVo ég fékk mér hádegis-kaffi kl.18:00 , er að fara að horfa á spaugstofuna og ætla svo að elda kvöldmat.

Till next...adios

Sálfræði

Ég held að ég sé búin að sálgreina sjálfa mig.
Komin með lausnina á öllum mínum vandamálum
Bara ef ég færi eftir því sem ég segi...

Oft á tíðum, á ég alltof erfitt með að "sleppa takinu" á sumum hlutum eða atburðum.
Hugsa of mikið um eitthvað og velti mér endalaust upp úr því...
Og með því er ég sennilega að gera bæði mig og þá sem umgangast mig að einhverju ráði brjál...!

Að láta liðið vera liðið virðist stundum erfitt...sem er líka pínu skrítið, af því að maður breytir ekki því liðna, hvað sem maður gerir eða hugsar....Fortíðin breytist ekki baun!

Maður getur aftur á móti haft örlítil áhrif á hvernig framtíðin verður...ef maður nennir að leggja það á sig að vera samkvæmur sjálfum sér.

Ég hef oft staðið sjálfa mig að því að gera eitthvað gegn betri vitund. Stundum bara í fljótfærni, en stundum bara "fock it" þetta skiptir engu máli...en það hlýtur allt að skipta máli.

"You are what you eat" - var einhverntíman voðaleg speki, sem fellur algerlega um sjálft sig, því hver vill vera "grænmeti"? En það er nú eitt af því hollara sem við innbyrðum.

"You are what you do" er miklu gáfulegra máltæki, því maður hlýtur að standa og falla með verkum sínum. Og eins og einhver frænka mín sagði víst eitt sinn svo gáfulega: "maður fær alltaf verkin sín til baka".

Ég hef nú líka alveg staðið mig að því að vera með "fordóma" út í fólk, tjá mig um að ferlega sé þessi eða hinn mikill lúser að gera hitt eða þetta. Og alveg get ég bókað það að ég lendi í sömu aðslæðum og ég hef verið að fordæma sjálf!!!

Svo nú er ég með fordóma út í fordóma, og ætla að vera samkvæm sjálfri mér, sérstaklega í samkvæmum...

Einhver ástæða hlýtur að vera fyrir þvi að maður situr alltaf einn eftir og borar í nefið, á meðan að fólk giftist og skilur endalaust í kring um mann....

Batnandi manni er best að lifa, og núna ætla ég í betrunarátak. Og gera það sem ég vil og er mér fyrir bestu :)
Vonandi gengur mér vel...hummm
Veit ekki alveg hvort ég á að vera að þessu....
Æ, þetta er eflaust tómt vesen...
Ætla að fá mér súkkulaði og hugsa málið....

Till next

Hugsanir...

Ég var að hengja upp þvott áðan, sem er náttúrulega alls ekki í frásögur færandi, þar sem ég geri það nánast á hverjum degi, og stundum oftar en ekki oftar ;)
En þar sem ég hengdi upp þvott, þá var ég svoleiðis með fleiri fleiri hugmyndir af algerlega stórsnjöllum bloggpistlum.

Svo skömmu síðar, þegar ég hafði tíma til að setjast við tölvuna, kveikja á henni og opna bloggið, þá var bara gersamlega allt horfið úr hausnum á mér! ...eh kanski ekki allt, ég meina allt sem ég ætlaði að skrifa sko!

Bilanatíðni hlaupahjóla helst greinilega í hendur. Hlaupahjólið hans Kristjáns hrundi í fyrragær, sennilega farin lega eða eitthvað og viðgerðir ekki inn í myndinni, a.m.k ekki að minni hálfu.
Svo í gær þá bilaði hlaupahjólið hans Mikaels...Spennan sem heldur stýrinu uppi, eða niðri, datt af og greinilega týndist!

Svo eftir vinnu í dag var ég plötuð í búðarferð til að kaupa ný hlaupahjól. Og þar sem að þetta er nú eina hreyfingin og útiveran sem hægt er að koma honum Kristjáni í , þá lét ég tilleiðast og stefnan var tekin á Hagkaup.

Til að gera langa sögu (eða ekki einu sinni svo langa) stutta, þá voru ekki til hlaupahjól í Hagkaup...eða þau voru öll búin, eins og afgreiðsludaman tjáði mér.
Ég þorði nú ekki einu sinni að spyrja hvort þau væru væntanleg...ekki miklar líkur á því svona í byrjun október!
En þar sem það sem átti að kaupa var ekki til, þá "þurfti" að kaupa tvo Simpson DVD diska í staðin....og svo bara athuga með hlaupahjólin á morgun.

Og auðvitað, af því að ég er svo góð, þá var það keypt ásamt afbrygði af Cheeriosi og einhverju smálegu...og ég er búin að finna upp nýtt slagorð fyrir Hagkaup: "Þar sem íslendingum finnst rándýrast að versla" !

Svo náttúrulega þegar ég settist niður við tölvuna áðan, og horfði á þessi tvö eymdarlegu biluðu hlaupahjól, þá datt mér það snjallræði í hug að taka bara spennuna (skrúfuna eða hvað þetta heitir sem heldur stýrinu föstu) af hjólabilaða hjólinu og setja á spennulausa hjólið! Og viti menn, þetta snarvirkaði, og nú er til eitt hlaupahjól í lagi, sem verður bara að duga þar til að annað hvort kemur vor, eða ég finn búð sem selur sumarvörur á haustin ;)

Till next...adios

Afmæli

Ekki ég núna, nei...heldur hann Kristján minn :)
Og drengurinn orðinn 13 ára!

Íbúðin var full af "gelgju-lykt" og sísvögnum pizzuborðurum...
Ótrúlegt hvað 5 strákar geta borðað mikið af snakki, pizzu og kökum og vera samt að detta í sundur af mjónuskap! Flestir þeirra orðnir stærri (hærri) en ég...en hann Kristján minn er hlýðinn strákur og er ennþá örlítið lægri í loftinu en ég ;)
Er samt ekki viss um að það endist mikið lengra en fram yfir fermingu, ef það gerir það þá.

En þetta afmæli var víst alger snilld, eins og einn strákurinn sagði, enda heyrði maður hlátrarsköllin óma um íbúðina lengi vel...og er það vel :)

Annars er lítið að frétta, ég er bara búin að æsa mig örlítið einu sinni, útaf bílastæðismálum (eða bílastæða-leysis málum) hér við leikskólann...Hvaða fávitum dettur í hug að byggja 150 barna leikskóla og hafa 17 bílastæði fyrir bæði starfsfólk og foreldra?
Skipulagsdeild Akureyrabæjar fær feita falleinkunn hjá mér!

Ég er meira að segja orðin svo þreytt á ástandinu hér fyrir utan, að aldrei hafa hugsanir um flutning sótt jafn hart að mér...

Till next...adios

Gullkorn

Gullkorn dagsins:
" Í gamladaga voru bara til ömmur"

Þetta gullkorn var í boði Mikaels Huga ;)

Afskaplega er maður samt latur við að skrifa niður svona gullkorn, sem bókstaflega falla úr munni hans á hverjum degi, og oft mörg á dag...

Í sumar þegar við vorum á leiðinni til Egilsstaða, og vorum að keyra yfir Víkurskarðið, þá sá hann nokkrar kindur þar á beit í þoku og rigningu. Þá varð honum að orði:
"Mamma, rosalega eru kindurnar heppnar að vera í svona ullarpeysum".

Annars er frekar tíðindalítið af þessu heimili, svona af afstöðnum göngum og réttum (sem eru náttúrulega efni í annan og miklu lengri pistil)...
mér hefur ekki ennþá tekist að týna kattarræflinum sem ég er að passa (úps...sennilega á eigandinn eftir að lesa þetta...) henni líkar sennilega bara ekkert rosalega illa að ver hér.
Mér finnst einna verst hvað strákarnir rífast mikið um hana! Vilja helst halda á henni báðir í einu! En nei...ég ætla samt ekki að halda eftir 2 kettlingum handa þeim eftir að hún gýtur!!!
Svo ennþá auglýsi ég eftir tilvonandi kattareigendum :)

Spaugstofan er víst byrjuð...

Till next...adios

Kattar(f)árið

Jammm...það er nefnilega það, nú er kominn köttur í ból bjarnar...eða í sófann minn :)
Ég tók að mér að passa læðu í eitt ár, og þar sem hún hafði lent í einhverjum óregluhögnum fyrir einhverju síðan, þá eru miklar líkur á að hún fjölgi sér á komandi vikum!
En þetta er voða pen, lítil og sæt læða og vona ég bara að einhver atvinnu góðmenni séu þarna úti sem vilja taka að sér litla kettlinga :)
Er farin að taka niður pantanir......hehe

Það var aðalfundur hjá Freyvangsleikhúsinu sl. laugardagskvöld, fór þessi fundur alveg sérstaklega vel fram, þar sem ég og Sverrir bró og Iggó ekki bró vorum kosin til áframhaldandi stjórnarsetu.
Einnig var varastjórnin kosin áfram óbreytt...

Svo nú eru spennandi tímar framundan í leikhúsinu, Kardemommubærinn verður sýndur tvær helgar í október, Kabarett (í öruggri stjórn minni...hehehe) verður sennilega í byrjun nóvember og svo farið af stað með leikrit eftir áramót.

Vil nota tækifærið og hvetja alla áhugasama að vera með :)

Muna svo að kjósa Magna í kvöld....;)

Till next...adios

Ör-stutt

Mundi allt í einu eftir auglýsingu sem ég heyrði í útvarpinu (Voice) núna rétt um daginn.

Þar var því haldið fram að þótt þú fengir 50 fullnægingar á dag þá væri það samt minni ánægja heldur en fælist í því að drekka eina dós af Pepsi Max!
Því það tæki þó um 5 min.

ÚFFF...grei maðurinn sem fann upp á þessari auglýsingu, hann hefur örugglega hvorki fengið fullnægingu eða drukkið Pepsi Max.....

Till next...adios

Misþyrmingar

Gott kvöld kæru landsmenn, nú er að hefjast þátturinn Bloggað með Betu bullara....
He he , ég hugsa að ég ætti fullt erindi í útvarp, og jafnvel sjónvarp!

Að minnsta kosti jafnmikið erindi og ÍSLENSKUR FÓTBOLTI !!!!!
Hvernig dettur þessum guttum sem öllu ráða hjá RÚV, að sýna undanúrslit í íslenskum fótbolta???
Eini tíminn sem mér tekst að halda mér nokkuð vakandi á kvöldin, milli 20-22, undirlagður af þessum misheppnuðu tuðruspörkurum!

Svo er sýn að fara að sýna "raunveruleikaþátt" íslenska nördinn, um nörda sem gerðir eru að fótboltaspörkurum....
Halló, þessi þáttur er í sjónvarpinu núna! Þ.e.a.s íslenskur fótbolti, er nördabolti...og verður það þangað til að verður farið að gera þetta að alvöru og atvinnumennsku.
Með fullri virðingu fyrir íslenskum fótboltaiðkendum ;)

Leifið mér svo að horfa á kellingaþætti í friði!

Svo er það nú annað...(vá, er ég hætt að gera neitt nema kvarta á þessu bloggi?)....
Auglýsingar!
Mér finnst það lágmarks krafa að fólk sem semur, þýðir eða leikur í auglýsingum bulli ekki út í eitt!
Noti a.m.k málið eins og á að nota það...ég sá nefnilega auglýsingu um daginn, og mig minnir að það hafi veri að auglýsa eitthvað "nýtt" hreinsi-krem, eða hreinsi-gel, eða hreinsi-maska, eða eitthvað hreinsi-dót alla veganna ;)
Og eftir mikið skrúbb og dans (einhverra hluta vegna virðist fólk vera léttara á fæti ef það er hreint í framan) þá segir textalesarinn: " ...FYRIR SLÁANDI HREINA HÚÐ..." !!!
Úfff...maður á bara ekki til orð! SLÁANDI hrein! Halló! Maður getur fengið "sláandi fréttir" en svei mér þá, þá langar mig ekki til að sjá þessa sláandi hreinu húð! Og alls ekki hafa sláandi hreina húð...svo það er nokkuð öruggt að þtta hreinsi-dót nær ekki inn í minn baðskáp!
Verð frekar bara drullu-skítug í framan ;)

En talandi um "útlitsbætandi vörur" hummm...ég ákvað nefnilega einn góðan veðurdag snemma vors í vor, að nú væri kominn tími til að "fullorðnast" og eiga eitthvað af svona ómissandi snyrtivörum.
Svo að í einni af mínum frægu Nettó verslunarferðum, þá tók ég mig til og nærri hreinsaði hillurnar af Nivea-húð og hár línunni.

Það var húðkrem með örlitlu af brúnkumyndandi efnum í, andlitskrem sem ber það skemmtilega nafn "summer beauty" (er það ekkert að virka???), sturtusápa með sérstökum uppbyggjandi efnum í og svo hársápa og næring fyrir litað hár. Hafði reyndar fest kaup á "augnkremi" eins og hommarnir í sjónvarpinu nota, nokkru fyrr en gafst upp á að nota það vegna þess að ef að hrukkurnar minnkuðu eitthvað að ráði (sem ég sá nú reyndaar ekki að hefði gerst) þá söfnuðust þær saman í einhverskonar fituhnúðum sem mér fannst bara talsvert ljótara en að hafa nokkrar hrukkur. Svo þetta var fljótt tekið út af dagskrá.

Ég finn svo sem engan mun á mér...hvorki í þroska né utanáliggjandi fegurð....rassinn hefur t.d ekki lyfst neitt upp á við, og appelsínuhúðin er þarna einhversstaðar ef ég nenni að gá!

Svo ég held að málið sé að sættast við sjálfan sig eins og maður er, og sleppa því að eyða stórfé í kremklessur...
...þá er ég sem sé´hætt við að verða svona "fullorðins"...nenni heldur ekki að klína á mig maskara á hverjum degi....bara svona spari ;)

Till next...adios

Sjónvarp

Hvernig tókst mér að gleyma því að tala um sjónvarpið mitt nýja hér að neðan???

Ok, svo við byrjum nú á byrjunni:

Eins og flesta, sem lesa þetta bolgg, rekur minni til, þá tók gamla sjónvarpið mitt upp á því að hætta að virka! Það var nú reyndar ekki einu sinni rosalega gamalt...en þetta var nú bara UNITED drasl (eins og fótboltaliðið;).

Og strax á þriðjudaginn sá ég fram á það að við svo búið myndi ég eigi una lengi, og ákvað að gera eitthvað verulega drastíst í málunum.
Ég veit ekki hvað það er, en of ér ég mjög fljót að taka ákvarðanir í svona málum, en er svo kanski hund lengi að ákveða hvað á að vera í matinn!

Ég sem sagt gekk inn í Simens búðina og inn í sjónvarpsdeildina, þar rak mig í rogastans, því mér virtist ekki vera neitt nema flatskjáir þar sem kostuðu flestir VEL yfir 100.000kallinn!
En eftir örlítið ráf á milli tækja, kom ungur en áhugasamur afgreiðsludrengur og bauð fram aðstoð sína.
ÉG þáði hana með þökkum og spurði hann hvort þeir ættu ekki nein svona "venjuleg" sjónvörp?
Jú, jú...hann benti mér fyrst á tvö lítil tæki inni í horni, en þegar ég sagðist vilja svona 28"-29" tæki þá sýndi hann mér eitt PHILIPS tæki, sem mér fannst hæfa mér ágætlega verðlega ;)
Svo ég sagði bara: ég tek það!
Þá þurfti litli guttinn (sko afgreiðslumaðurinn) að hlaupa út á lager til að athuga hvort þeir ættu ekki öruggleg svona tæki.
Og til allra lukku var EITT tæki eftir!

Ég borgaði tækið, og spurði hvort ég kæmi því inn í bílinn hjá mér. Hann taldi svo vera, og sagði mér bara að fara á bakvið með bílinn og strákarnir á lagernum myndu skutla því inn í bíl fyrir mig.

Svo ég fer á bakvið, og hitti þar tvo alveg hreint yndælis menn :) Því að það var ekki viðlit að koma tækinu inn í bílinn minn, og þeir voru svo góðir að bjóðast til að skutla því heim fyrir mig.
Svo komu þeir eftir smá stund, báru tækið inn í stofu og ég spurði hvort þeir vildu ekki eiga gamla tækið...og þeir sögðust alveg geta hent því fyrir mig :)

Nú vantar mig bara einvern til að henda stóra stóra kassanum sem sjónvarpið kom í, í ruslið!

En ég er a.m.k ánægð með þjónustuna í SIEMENS-búðinni og sérstaklega sendlanna :)
og svo er ég líka hæst ánægð með nýja fína sjónvarpið mitt!

Og svona til að toppa bjartsýnina og ánægjuna, þá ætla ég bara líka að vera ánægð að þurfa ekki að druslast um með alla vasa fulla af peningum lengur ;)

Till next...adios

Ekki verra en ég hélt...

ÉG tók daginn tiltölulega snemma í dag...svona miðað við það að ég átti frí.
Byrjaði á að rölta með Mikael í leikskólann og fór svo heim og fékk mér morgunmat.

Svo byrjaði ég að rökræða við sjálfa mig...á ég að fara með bílinn í skoðun í dag eða ekki, ég vissi að handbremsan var orðin ansi slök, svo ég ákvað eftir dálitlar rökræður, að prufa að hringja á verkstæði sem auglýsir sig þannig að það annist bremsuviðgerðir.
Samtalið fór á þennan hátt:
Ég: (eftir að síminn hafði hringt mjööööög lengi) góðan daginn, eru þið ekki með svona bremsuviðgerðir?
Hann: (starfsmaðurinn) hummmm, ja, það má eginlega segja það.....það getur verið....svona eitthvað....
Ég: Ég var að spá í hvort þið gætuð kíkt á handbremsuna hjá mér, hún er orðin eitthvað léleg.
Hann: hummmm...ja.....hvernig bíll er þetta?
Ég : Renault 19 árg.1990
Hann: hummmm...ja..það getur verið....
Ég: get ég kanski komið með hann í dag?
Hann: hummm...ja..nei, kanski á morgun...
Ég: Hvenær þá á morgun?
Hann: Hummm..kanski svona um 10 leitið
Ég: Er enginn sjens að koma honum að ég dag, ég er nefnilega í fríi og betra fyrir mig ef það er hægt.
Hann: Hummmm....ja, kanski um kl.4
Ég: Ok, flott, viltu taka niður nafnið mitt eða?
Hann: Nei
Ég: á ég bara að mæta?
Hann: Já
Ég: Ég kem þá bara kl.4 takk fyrir.
Hann: Já

ÉG er ekki viss um að ég hafi lent á jafn áhugalausum og fráfælandi afgreiðslumanni áður!
En að sumu leiti var þetta ágætt.
Eftir samtalið hugsaði ég með mér að ég ég nennti alveg ómögulega inn á þennan stað, þar sem mér fannst á þessum manni að ég væri að gera þeim mikin óleik með því einu að hringja!

Svo ég tók mig saman í andlitinu og fór og þvoði bílinn! Hélt að það væri kanski vænlegra til árangurs í skoðuninni....

En það kom mér ekkert rosalega á óvart, að þetta undarlega hljóð sem hefur heyrst úr vinstra framhorni bílsins undanfarna mánuði, var ónýtur stýrisendi.
Og þá kom ónýt handbremsa heldur ekkert snarlega á óvart.

Svo nú er ljótur grænn miði á bílnum mínum!
En ég fór á alvöru verkstæði og fékk tíma fyrir djásnið mitt 16. ágúst svo ég ætti að koma honum í gegnum heila skoðun í lok mánaðarins :=)

Sennilega kemur þetta til með að kosta eitthvað...but who cares???

Till next...adios

Afsakið hlé

Nú verður gert stutt eða langt hlé á ferðasöguEgilsstaða, vegna kveinstafa löngunar minnar!

Sjaldan er ein bára stök, nema einstöku Bára...

Í dag bilaði sjónvarpið mitt,eða það bendir allt til þess að það sé ónýtt, því að það kviknar ekkert á því....var reyndar búið að suða svolítið í því undanfarnar vikur, en ég átti nú ekki von á þessari snöggu uppgjöf þess!
Þvottavélin er nánast farin að þurrþvo þvottinn að mestu leyti, því að vatnið hefur sennilega fundið sér fljótlegri leið í gegn um botninn á vélinni. Og því er gólfið farið að verða blautari en þvotturinn!

Bílgreyið mitt harkar ennþá af sér, en ég er farin að verða ansi smeik um að þeir í bifreiðaskoðuninni skelli hlæi af mér þegar ég verð búin að safna kjarki fyrir skoðun!

Svo núna áðan þá greip ég til þess örþrifaráðs að kaupa mér Lottó miða, í þeirri veiku von að ég vinni örlitla upphæð fyrir nýjum heimilistækjum!
Er samt ansi skíthrædd um að ég þurfi bara að vinna fyrir þessu eins og vanalega...

Fór í bíó áðan með Mikael (ekkert sjónvarp...bara bíó;) á myndina "Over the Hedge" - sem var svo sem ágæt. Nema hvað, einhver snillingur hefur fundið upp sleikjó með ljósi inní!
Ég veit ekki hvort að einver hefur haldið að krakkar þyrftu að borða sleikjó í myrkri, og þyrftu þar af leiðandi ljós til að hitta á munninn....en krakkar á næsta bekk fyrir framan mann í bíó veifandi þessum ljósastikum út um allt er frekar hvimleitt!
Og þegar einn krakkinn tók sig til og fór að veifa þessu nánast framan í mig, þá tók ég mig til og hvæsti á þá "hættið þessu" með djúpu reiðilegu röddinni, sem hefur sennilega snarvirkað í annars frekar skuggalegum bíósalnum (ef sleikjóarnir eru undanskyldir) því þeir snarhættu.
Eitthvað hefur nú krakkinn kvartað í mömmu sína, því að ég heyrði hana segja "það var gott hjá henni að segja þetta". Ég var reyndar búin að heyra mömmuna biðja krakkana að hætta þessu, með afskaplega litlum árangri þó.

Samt pínu fyndið, að ég verð ekki glöð ef að börnin mín eru skömmuð af bláókunugu fólki... sem er þó samt lang áhrifaríkast...

Spurning afhverju ekki er boðið upp á hlýðninámskeið fyrir börn...svona svipað og fyrir hunda, þar sem foreldrar mættu með börnin sín og þeim yrði kennt hvernig á að láta börnin hlýða...
ég myndi mæta manna fyrst ;)

Till next...adios

Egilsstaðir

Ég er búin að sannreyna það að það er satt að það sé alltaf gott veður á Egilsstöðum...
A.m.k hefur það verið reyndin þessa tæpu 3 daga sem ég dvaldi þar, og einnig þegar ég var þar í 3 daga í fyrrasumar ;)

Og ekki skemmir nú gestrisni og velgjörðir heimafólks :)

Þegar ég brunaði austur um hádegisbil á föstud. var hér búið að rigna eins og hellt væri úr fötu...en veðrið snarbatnaði eftir sem austar dróg og svoleiðis búið að vera sól sól og sól.

Á föstudeginum var aðallega talað og talað (sumir meira en aðrir...hehe;) og sopið á öli...ehhemm nei ég meina bjór (komumst að því í Trivial á laugardkv. að það er sko ekki það sama;)
og var það alveg hreint ljómandi gaman og gott. Álaborgar ákavíti hvað???

Á laugardagsmorgninum...ekki neitt eldsnemma, var fyrst setið í sólinni og svo brunað uppá Kárahnjúka.
Spenningurinn var mikill, sérstaklega því við áttum allt eins von á að sjá mótmælendur...en þar var ekkert nema einn hundur!
En mikið eru þeir nú búnir að gera "stórbrotið landslag" enn flottara :)

GOOOOO Landsvirkjun :)

Eftir að hafa sér þessar framkvæmdir og þetta landslag, þá skil ég ekki hvernig í óskupunum fólk nennir að eyða tíma og peningum í þessi mótmæli!
Þessir mótmælendakjánar ættu heldur að gefa fjármunina, sem fara í þessa mótmælendavitleysu, til sveltandi barna úti í hinum stóra heimi.

Svo gleymdi ég myndavélini heima....(og Nonni sinni á Egilsstöðum þegar við fórum á Kárahnjúka,en ég ætla sko ekki að minnast á það svo hann heyri;) og þar að leiðandi eru engar snilldar flottar myndir af risa stíflu á þessu bloggi....
Fer bara aftur eftir rúmt ár og tek myndir af flottu vatni ;)

Meiri ferðasaga seinna...

Till next...adios

Bankaleynd?

Í dag fór ég í banka...sem er svo sem ekki í frásögur færandi.
Nema útaf því að þetta voru erindagjörðir sem áttu að vera í þágu eldri stráksins míns...
Það er nefnilega að hér í gamla daga (eitthvað um það leyti sem hann er skírður) þá stofnaði ég fyrir hann reikning í Búnaðarbankanum sáluga. Æskulínu reikning, nánar tiltekið.
Þetta ku vera reikningur sem hentar börnum upp að unglingsárum...Heitir víst Krakka KB eftir að Búnaðarbankinn varð KB-banki.
En þar sem ég í sakleysi mínu fer að tala við unga afgreiðslustúlku, sem vissi greinilega ekkert of mikið um svona bækur, eða sparnaðarleiðir, þá kemur að önnur kona eldri og "vitrari" og segir mér að það skipti nánast engu máli hvort hann er áfram með þessa bók eða fær "unglingabókina" sem ég man ekki lengur hvað heitir....
Vextirnir séu nánast þeir sömu (munaði 0,5%) og ekki er hægt að leggja inn á "gelgjubókina" nema með reglubundnum sparnaði!!!!
Hver býr til svona dæmalausta vitleysu???
Gelgjubókin er bundin til 18 ára aldurs, en ekki hægt að leggja inn á hana nema með reglubundnum sparnaði!?!
Ég átti eginlega ekki til eitt einasta orð...sem sé, annað hvort að leggja inn einu sinni í mánuði, eða sleppa því alveg!
Úfff, ég held að það þurfi alveg sprenglærðan fræðing til að reikna þetta dæmi til enda....ég er að minnsta kosti ekki að botna í þessu.

En ekki nóg með það....Hann Kristján á líka svona debetkort, sem hann fékk þegar hann var 11 ára (eitthvað tilboð í gangi þá) og sem betur fer hefur þetta virkað mjög sparnaðarlega á hann...hann leggur bara peninginn sem hann fær inn á kortið sitt og vill eiga sem mest þar ;)
En eitthvað var ég nú farin að óttast að hann gæti týnt því, og að vextirnir væru nú sennilega betri á einhverri bókinni...svo ég spurði hvort ég gæti millifært af debetkortinu yfir í bókina hans (þegar ég var búin að ákveða að halda bara gömlu bókinni)
En NEI! Foreldrar mega greinilega ekki sýsla neitt með fjármuni barna sinna!!
Það er lögverndað að ég má ekki hrófla við hans peningum, nema að hann sé með og gefi samþykki sitt!!!!! Hann má ekki einu sinni gefa mér umboð! Verður að koma sjálfur!

Ég bara spyr: Hvernig í ósköpunum er mér treystandi til að ala upp barn/börn ef mér er ekki treystandi til að millifæra 10.000kr milli reikninga sem hann á sjálfur???

Eru bankarnir hræddir um að foreldrar arðræni börnin sín???
Ef ég færi nú að ræna peningunum sem sonur minn á, tími ég þá nokkuð að gefa honum að borða, eða kaupa föt á hann???

En blessuð bankakonan (þessi vísari) hún sagði að vísu, að hann gæti stofnað einkabanka (ég get sko ekki heldur gert það fyrir hann) og ef hann vildi þá gæti hann gefið mér aðgang að honum ;)

Svo niðurstaðan er sú að tæplega 13 ára gamall sonur minn hefur ákvörðunarvald yfir því hvort að mér sé treystandi til að skipta mér að fjármálum hans :)

Till next...adios

Sól

Bara láta þá vita sem ennþá nenna að lesa þetta blogg, og þá sem búa fyrir sunnan ;) að það er sko búið að vera sól og blíða í dag...og á víst að vera áfram næstu daga:)

Ég er búin að vera voða dugleg í skemmtana lífinu undanfarið..búin að fara út 3 helgar í röð!!! Ekki láta þetta fréttast....svo sem ekkert rosalegt djamm á mér, kanski einna helst síðasta laugardagskvöld þegar ég var dregin (nauðug viljug ) á Sniglabandið sem var að spila á Rocco.
Þar voru aldeilis rifjaðir upp gamlir danstaktar, og vaknaði ég upp með ógurlegan hálsríg eftir allan "head-banging" dansinn....er maður að verða og gamall fyrir þetta???
Annars var þetta voða gaman, sérstaklega að fynnast maður vera orðinn 15 árum yngri ;)
Þótt ég hagi mér nú stundum svoleiðis ;)

Er ekki einhver "þarna úti" sem kann "instant" uppeldi? Sem gott væri að grípa til þegar manni finnst eitthvað vanta uppá...sennilega veit maður aldrei hvort maður er að gera rétt fyrr en börnin manns fara að ala upp sín egin börn ;)

Jæja, best að hætta að misnota aðstöðu annara og hætta að blogga í bili....man ekki heldur hvað ég ætlaði að skrifa...hehe
Sól sól sól :)

Till next...adios

Ég um mig frá mér til mín...

Tölvunördinn í mér er farinn að láta á sér kræla...og í tilefni af því ákvað ég að láta hér inn eina mynd af MÉR :)
Svo fyllist þetta blogg eflaust af myndum af afkvæmum og upplognum afrekssögum af mér og mínum ;)
Mér finnst samt alveg furðulegt að alltaf áður en ég fer inn á bloggið, þá hef ég svo mikið að segja...en svo þegar ég loksins hef mig í það þolinmæðisverk að fara hingað inn...þá er gjörsamlega allt þetta skemmtilega dottið út úr hausnum á mér! Og það dettur niðrá gólf og rúllar lengst undir sófa og ég næ bara ekki í það!....Og VÁ hvað þessi tölva er að gera mig brjálaða!!!

Og talandi um að gera mig brjálaða... Ég á þessa annars ágætu nágranna...en gallinn er bara sá að þau nenna ekki að ganga almennilega um ruslið!
Núna eru t.d kassar út um allt, meira að segja ofaná ruslatunnunum! Og í rokinu í gær þá fauk þetta út um allt, og mér leið eins og ég byggji bara á ruslahaugunum!
Ég er nú búin að tala við þau einu sinni, og mér var bara þakkað fyrir ábendinguna...en annars allt óbreytt.
Svo er eins og þau átti sig ekki á því hvenær tunnan er orðin full! Það er bara haldið áfram að setja poka í...þótt lokið sé löngu komið upp að vegg og algerlega ómögulegt að taka ruslaopkann upp úr tunnunni! Og auðvitað endar það með því að ég tek nýjan poka (sem hefur verið haganlega staðsettur hangandi utaná tunnunni) og laga ruslaómyndina...því að ég get bara ekki hugsað mér að ruslakallarnir komi að þessu svona.
Mér finnst þetta bara vera virðingarleysi við annað fólk.

Ég hugsa að ég þurfi bara að finna mér eyðibýli einhversstaðar (ekkert alltof langt í burtu) til að búa á. Fjarri tillitsleysi, yfirgangi, hroka og fúllyndu fólki :)

Jæja, þá er ég búin að fá smá útrás...fínt að hafa svona blogg til að skammast í ;)

Till next...adios

Sund

Þegar öll sund virðast lokuð....þá er best að skella sér í sund :)
Og það hef ég gert núna 3 daga í röð!!! og geri aðrir betur....
Já, ég veit að það er til fólk sem fer í sund á hverjum degi...en ég tilheyri bara ekki hóp þeirra hreistraða lýðs ;)

En ég var svo bjartsýn á gott veður í sumar (og so far so good) að ég keypti mér 30 miða sundkort!
Það rennur reyndar ekkert út, svo ég get alveg verið 3 ár að nota það ef ég vil.

Mér tókst að draga Kristján með mér í sundið fyrstu 2 dagana, en svo varð honum nóg um, og sagðist ekki ætla aftur alveg strax....Svo kanski fer ég ekkert aftur fyrr en eftir helgi....eða þegar sólin skýn.
Þessar sundferðir mínar hafa þann kost, að það er afskaplega lítið synt....ég svamla yfir laugina í rólegheitum og skríð upp í sólbaðspottinn, ligg þar sem skata og reyni að muna að vellta mér nokkuð reglulega.
Reyndar var lítil sól í dag, svo ég fór bara í skýbað þess í stað....alveg jafn gott, sérstaklega ef það' er 20°C hiti úti.

Kom mér skemmtilega á óvart að ég virðist hafa tekið nokkurn lit strax :) bæði brúnan og rauðan...

Varð reyndar fyrir þeirri ónotarlegu reynslu í gær, að handklæðið mitt var horfið þegar ég fór uppúr....var sem betur fer með tvö ( annað fyrir hárið og hitt fyrir rest) og tókst að bjarga mér með þetta eina ;) sá reyndar í hólfi rétt hjá þar sem mitt var, mjög líkt handklæði merkt Sundlaug Akureyrar og lagði saman tvo og tvo....talaði við konugrey sem var að vinna þarna (sem ég var nýbúin að kvarta við að það voru tvær óvirkar sturtur....sem var ekki gott þar sem allt var fullt af berum kellum)og hún var alveg miður sín og þótti þetta afskaplega leiðinlegt....eins og hún gæti gert að þessu.
En viti menn, þegar ég er að byrja að klæða mig, þá kemur konugreyið með handklæðið mitt, og segir að það hafi verið að skila þessu í afgreiðsluna....sem sagt einhver konu-kind (sennilega bæði litblind og ólæs) tók mitt handklæði í staðin fyrir það sem hún hefði leigt sér....
Finnst að ég hefði átt að fá borgað leiguverðið....hehe
En héðan í frá tek ég bara með mér litrík og alltílagiþótthverfi handklæði í sund :)

En nóg af sundsögum í bili...nú förum við í meira krassandi sögur úr mínu lífi....
en það verður bara næst

Till next...adios

X-B

Góðan dag góðir hálsar...vona að hálsar ykkar séu betri en minn, sem er reyndar afskaplega afleitur! En þetta stendur allt til bóta eftir að ég grenjaði "dóp" út úr lækninum mínum í morgun :) hipp hipp húrra fyrir góða lækninum!

En reyndar er þetta ekki það sem mér liggur á hjarta núna, þótt ég sé búin að vera lasin í viku og eiga MJÖG ´bágt!
Það er þetta með kosningarnar á morgun!
Í fyrsta skiptið í 15 ár ( var eitthvað að spauga með þetta og snarbrá þegar ég áttaði mig á því að ég er víst búin að hafa kosningarétt svona ansk...lengi)
þá er/var ég í vafa um hvað ég ætti að kjósa. Þ.e.a.s hvaða flokk.
Svo byrjuðu þessar endalausu umræður og þessar hundleiðinlegur auglýsingar að dynja á manni.

En það var aðallega eitt sem stakk mig og gerði mér kleyft að gera upp hug minn, það hefur verið
gríðarlega mikil umræða um það að framsóknarflokkurinn sé að þurrkast út!!!

Og ekki vil ég hafa það á samviskunni, ég held að land og þjóð yrði mun fátækari af umræðuefnum og skoðanaskiftum ef að framsókn yrði ekki lengur til eftir kosningar!

Svo nú skora ég á alla að láta ekki sitt efitir liggja og kjósa X-B
Hjálpumst að við að vernda minnihlutahópa í þjóðfélaginu, aldraða, öryrkja, einstæða foreldra og framsóknarmenn :)

Göngum glöð af kjörstað með góða samvisku :)

Reyndar verð ég að segja að sá sem er í framboði fyrir framsókn í Kópavogi er alveg með endæmum óspennandi kostur (pent orðalag yfir leiðingargaur). Enda er hann án efa sjálfstæðismaður í dulargerfi.

Till next...adios

Skamm skamm...

Já skammastu þín Silvía Nótt, eða á ég að segja: skammastu þín Ágústa Eva?

Aðdáendur Silvíu Nætur eru beðnir um að hætta að lesa NÚNA!

Ég var annars orðin alveg hreint standandi bit á þessari vitleysu í Eurovision í ár. Héldu íslendinar í alvöru að það væri vænlegt til framdráttar að láta dónalega, frekjulega og vera til háborinna skammar???
Að leika "dífu" er eitt, að leika málaða stelputík sem segir ekki óblótað orð er allt annað.
Að ráðast að sárasaklausu fólki með svívirðingar og dónaskap er með öllu óverjandi, og finnst mér að útvarpsstjóri og menntamálaráðherra ættu bæði að segja af sér ekki seinna en í gær!
Að lokum finnst mér alveg kominn tími á það að hún Ágústa Eva (sem sú "flökkusaga" gengur um að sé feimin krúsidúlla) taki ábyrgð á þessum skapnaði sínum, eða á maður að segja vanskapnaði sínum!
Það er eins og það megi aldrei nefna þær stöllur í sömu setningu. Og ef að Ágústa Eva skammast sín svona mikið fyrir sköpunarverk sitt, afhverju í óskupunum er hún þá að færa það á borð fyrir almenning???
Ef Bárður og Birta í stundinni okkar færu að tala ljót orð og "dissa" hvort annað og aðra krakka, þá er ég ansi hrædd um að þau Þórey og Jóhann myndu þurfa að svara til saka fyrir það.
Og það er leiðinlegt að segja frá því, en ég er ansi hrædd um að það séu fleiri krakkar á aldrinum 4-12 ára sem horfa á Silvíu Nótt heldur en Stundina okkar!

En kæru landsmenn; þetta vilduð þið! Þetta kusu þið yfir ykkur! Alveg dæmalaust hvað íslendingar kunna illa að fara með kosningarétt sinn, ég er nefnilega alveg logandi hrædd um að þeir kjósi aftur sjálfstæðisflokkinn yfir sig, bæði í sveitastjórnarkosningunum núna og einnig í alþingiskosningunum næsta vor!
Ja svei, ég segi nú ekki meira!

Till next...adios

Ps. Hún beit nú alveg höfuðið af skömminni þegar hún,( eins og fréttamaðurinn orðaði það:dreifði munnvatni yfir viðstadda) hrækti á liðið þegar hún komst ekki áfram.
Í einhverjum löndum hefði hún eflaust verið tekin af lífi fyrir tiltækið, en í íþróttaheiminum hefði hún fengið rauðaspjaldið og verið vikið af velli.....í hvelli ;)

Gleðilegt sumar

Nú er sumar
gleðjist gumar
gaman er í dag....

Það er nú samt ennþá snjór, og dáldið kallt...en það hlýtur að lagast ;)

Mikael spurði mig að skemmtilegri spurningu í gær, hann spurði: "Mamma, afhverju eigum við ekki svona þjón"?
Hummm, mér vafðist eginlega tunga um tönn, afhverju á ég ekki bara svona þjón?
Þótt spurningin virðist alveg út í hött, þar sem ekki margar fjölskyldur eiga þjón (spurning líka um að eiga eða hafa) en það sem er sniðugast í þessu, er að ég væri bara alveg til í að "eiga" þjón ;)
Eða hvað....er þetta kanski spurning um að þurfa ekki alltaf að gera alla hluti sjálfur?
Hafa einhvern til að deila öllu með, bæði gleði, sorg og vinnuálagi heimilisins.
Þurfa ekki alltaf að skúra, elda, vaska upp, þvo þvott og laga til ein.
Svo eftir þessa litlu spurningu; "afhverju eigum við ekki þjón" þá komst ég að þeirri niðurstöðu, að sennilega væri óþarfi að eiga þjón (nema ég væri ógeðslega rík) en ágætt væri einhverntíman í framtíðinni að eignast góðan mann ;)

Þar sem ég lét einhverntíman (fyrir óralöngu) út úr mér hér á þessu bloggi að ég væri ákveðin í að vera karlmannslaus í 2 ár, þá ætla ég að segja núna að ég hef ákveðið (vegna góðrar hegðunar) að stytta þennan tíma niður í ár! Er þetta ekki svoleiðis í hegningarlögum, maður á rétt á reynslulausn eftir að hafa "setið" af sér helming dómsins?;)

Ég verð kanski að fletta því upp....en ég hef nú samt grun um að ég sé að verða búin að "afplána" þennan tíma....

Till next...adios

Gleðikona í háska...

Uhhh...
Nei, ég meina: GLEÐILEGA PÁSKA :)

Þá er páskahátíðin gengin í garð...ótrúlegt að jólin skuli bara rétt búin...hummm
Hér er nú kuldi, rok og kvef, sem eru þrenning sem ég gæti alveg hugsað mér að vera án!

Fór með "litlu" bræðrum mínum í leikhús sl.fimmtud.kv. að sjá Litlu Hryllingsbúðina, og verð ég bara að segja að þessi sýning er alger snilld :)
Væri til í að sjá hana aftur...svona ef það er einhver þarna úti sem vantar "leikhúsfélaga" ;)
Öskraði og klappaði svo mikið í uppklappinu að síðan hef ég verið raddlaus og hálf lasin!

Þá er hann Jón víðförli kominn til landsins, og væntanlegur norður yfir heiðar eftir helgi. Mun þá verða hafist handa við að æfa hið bráðum fræga ör-leikverk: Dagur í lífi Mörthu Ernsdóttur, sem mun verða sýnt í Borgarleikhúsinu í byrjun mai :)

Að öðru leiti mun vera tíðindarlítið á norðurslóðum...

Till next...adios

Brúðkaup

Heil og sæl...

Búin að komast að því að það les enginn bloggið mitt....a.m.k kommentar engin og þar af leiðandi dreg ég þá ályktun að engin lesi það!
Svona eru bara ályktanir dregnar, hvort sem þær reynast svo sannar eða ei.

Fréttir dagsins: (eða frétt laugardagsins) Árni og Sigga Lára giftu sig, eftir að hafa skírt dóttirina Gyðu, sem glöggir lesendur (or not) taka eftir að er EKKI í höfuðið á mér!!!
Svo þá verð ég líka að nefna að hún Steinunn er best :) hún skíðri sko dóttur sína í höfuðið á mér ;) hana Katrínu Söru :)
En þetta var nú útúrdúr...Mest er ég nú hissa á að þau skötu hjú skuli ekki hafa beðið mig um að syngja í brúðkaupinu (hefði þá náttúrlega líka þurft að vita af því) því eins og staðan er í dag þá eru 50% líkur á að hjónabönd endist hjá þeim sem ég syng í brúðkaupinu hjá:) Og verð ég að segja að það eru nú bara ansi góðar líkur ef að líkum lætur ;)
Ef ykkur lesendur góðir (or not) finnst þetta farið að verða of mikið bull hjá mér, þá er það algert bull hjá ykkur að halda það. Það er bara að greina hismið frá kjarnanum og komast að þeirri niðurstöðu að að að að að ...hummm, ekki ætla ég að fara að greina þetta oní ykkur!!!

Það er allaveganna búið að skíra og gifta í þessari fjölskyldu á þessu ári og gott að það eru aðrir sem taka það að sér en ég ;)
Ef einhver greinir sárindi eða kaldhæðni í þessu þá; so be it!

Svo ætla ég að hætta núna áður en ég fera að tala um herinn, fúlar kellingar eða eitthvað sem lengir bloggið mitt úr hófi fram!

Till next...adios

Textar

Sælt veri fólkið...
Þar sem ég hef ekkert gáfulegt uppá að bjóða, þá er ég bara að hugsa um að skella hér inn nokkrum textum síðan úr kabarett haustið 05
Þessu var svona hnoðað saman eina kvöldstund á meðan að strákarnir slógust á stofugólfinu ;)



Wig Wam-----In my dreams .....byrjunarlag?

Komdu komdu komdu
Komdu nú á kabarett
Kabarett

Ýmislegt mun gerast hér í kvöld
Gleði glysið tekur af öll völd
Grínið gert af köldum köppum hér
Gerið bara ekki grín að mér.

Komdu komdu komdu
Komdu nú á kabarett
Þú ert sá eini sem ekki fer á kabarett
Er það rétt?

Í gulum vestum stígum hér á stokk
Flytjum fallegt gleði glauma rokk
Féið kom allt af fjall’í haust
Því kyrjum við með hári raust.

Komdu komdu komdu
Komdu nú á kabarett
Þú ert sá eini sem ekki fer á kabarett
Er það rétt?
Er það rétt?

Ef gaman verður hér í kvöld
Þá kem ég aftur næsta ár....

Komdu komdu komdu
Komdu nú á kabarett
Þú ert sá eini sem ekki fer á kabarett
Er það rétt?
---------------------------------------------
Þetta var sumsé byrjunarlag kabaretts, en svo gerist ýmislegt og þegar við grípun næst niður þá er þar bóndi einn sem hefur fellt hug sinn til móru sinnar og hyggst á brúðkaup....
A.t.h þetta var upprunalega ekki mín hugmynd, heldur samdi ég bara þennan texta í takt við atriðið sem á eftir kom ;)




Jakob Sveinstrup---talking to you.
Lagið til hennar Móru! (kanski full gróft...en)


Þú kemur mér á fætur sérhvern dag
Ég færi til höfin og svo morgungjöfin
Ef aðeins gæti opnað augu þín
Og vakið þér þrána,á undan honum grána

Þú ert svo sæt og fín
Ég vil þú verðir mííííín

Úúje

Ég tala til þín Móra mín
Ég tala til þín já, þú vekur hjá mér þrá
Ég ávalt þig vil, ljós og leynt
Svo nú skal til prestsins arka beint

Þú ert allt er finna vil
Ég aldrei aldrei aldrei mun vilja við þig skil.....nað

Ég hugsa oft er búum saman við
Hve væri það gaman er jörmun við saman
Ég af þér fæ ei nóg
Frá ég í réttinni, réttinni þig dróg.

Ég tala til þín Móra mín
Ég tala til þín já, þú vekur hjá mér þrá
Ég ávalt þig vil ljóst og leynt
Svo nú skal til prestsins arka beint.

Svo kom að sjálfsögðu prestur og taldi því alls ekkert til fyrirstöðu að gifting yrði milli þeirra. Fyndið samt að fyrir fáum vikum var það í fréttum að maður nokkur í útlöndum, hafði þurft að giftast geit sinni, þar sem komið hafði verið að þeim í "ástaratlotum". Og fylgdi það fréttinni að en væru hveitibrauðsdagar hjá þeim ;)
Spuning hvort Freyvangsleikhúshöfundar séu forspáir????

Svo er það úrgangurinn....farið var að beita þá dagsektum sem ekki voru búnir að koma "niður" hjá sér rotþró, og ´því var sjálfsagt að gera grín að því (okkur er ekkert heilagt)

Waterloo---ABBA
Rotþróarlag!

Mai Mai er vorið kom þá frestur var á enda
Ó nei, og ég hef ekki klárað öll mín skylduverk

Í vasanum á ég ei aur
En þarf samt að losa burt saur...

Rotþróin...því ertu ekki enn kominn
Rotþróin...nú leggst hann þungt á mig skatturinn
Rotþróin...get ég ei sloppið þó vildi víst
Rotþróin...leggst á þann stað er skyldi síst
Óóóó
Rotþróin...freistandi verður fjóshaugurinn

Mai mai, ég reynd að hald í mér en gat það eigi
Ó je, nú er mín eina von í flórnum kúnum mínum hjá

En aldrei nú neitað því get
Að skíturinn fer ekki fet

Rotþróin....og s.frv.

Rotþróin...tekur við því sem að frá mér fer.

Jæja, þá eru tveir textar eftir sem munu bíða næsta bloggs :)

Till next...adios

Snjór, snjór...

og meiri snjór!
Hvar endar þetta eginlega?
Ég held að það hafi snjóað meira síðustu 3 daga en í allan vetur!

Nokkur holl ráð, sem ég hef lært af biturri reynslu:

1. Farið ekki í buxum með uppábrot út í mikin snjó.
2. Farið fyrr á fætur og í snjóbuxur, ef það hefur snjóað mikið og bíllinn er líklega fastur í blautum snjó.
3. Treystið ekki því að einhver góðhjartaður sterkur maður labbi framhjá og ýti upp bílnum ef hann er fastur.
4. Geymið skóflu í skotinu á bílnum, þegar það hefur snjóað mjög mikið. Það sparar tíma að leita að henni í geymslunni.
5. Hummmm...held ég sé hætt að gefa ráð ;)

Er samt að hugsa um að setja auglýsingu í einkamáladálkinn hjá DV, hún myndi hljóða einhvernvegin svona:

"Óska eftir að komast strax í kynni við mann sem á jeppa, með sambúð í huga a.m.k til vors eða þar til snjóa leysir. Áhugasamir vinsamlegast leggið inn umsókn þar sem skal fylgja mynd af jeppanum".

Svona er maður nú tilbúinn að slá af kröfunum. Áður en að allt snjóaði í kaf, þá voru kröfurnar miklu meiri...t.d um mikin andlegan þroska og gott útlit ;)

Herinn er víst ennþá á leiðinni í burtu frá okkur! Og ég er viss um að þá sannast hið fornkveðna: Enginn veit hvað átt hefur fyrr en misst hefur!!!!
Og hafið þið það! Herstöðvarandstæðingakjánar! Þið skuluð sko ekki koma væææælandi til mín þegar allt er komið í óefni.
Það er einn sem ég skil nefnilega ekki...hvað hefur fólk á móti hernum?
Hvað hafa þeir gert okkur?
En hvað hafa þeir gert fyrir okkur?
Þeir hafa nefnilega gert slatta fyrir okkur.
Bjargað fullt af fólki. Þar sem þessar þyrludruslur sem íslendinar eiga eru alltaf bilaðar eða í skoðun! Hafa útvegar fjölda fólks vinnu. Og búið til einhvern slatta af nýjum íslendingum ;)
Þetta er bara liður í að íslenska þjóðin úrkynjist ekki ;)

Svo vil ég benda á eitt: þótt íslendingar þyki með ríkari þjóðum heims, þá munu þeir ALDREI geta haldið uppi jafn góðri þyrlubjörgunarsveit og jafn góðum þyrlum og USA-army hefur gert.
Þegar íslenska ríkið getur ekki haldið uppi heilbrigðisþjónustu skammlaust, ekki hugsað almennilega um aldraða og veika, ekki stutt við bakið á námsmönnum, ekki ekki ekki gert neitt að neinu viti fyrir þjóðfélagið í heild. Þá getur það sko bara ekki keypt og rekið sambærilegar þyrlur og herinn hefur laggt okkur til endurgjaldslaust!!!

Fuss og sveiattan!

Ef fólk vill ekki herinn til að passa uppá okkur...þá getur það bara flutt í eitthvað afríkuríki og veifað þar hvítum fána framan í næsta mann.
Og ekki orð um það meir!

ÉG er ennþá svekkt yfir því að Regína Ósk komst ekki í Evróvisíon!
Vona að Ágústa skilji hana Silvíu Nótt vinkonu sína eftir út í Grikklandi, þótt það sé illa gert, ja hvað myndi fólk segja ef Silvía Nótt myndi skilja Ágústu Evu eftir ;)

Eigið góðar stundir...

Till next...adios

Tóm hamingja?

Afhverju eru allir (flestir sem ég þekki) svona ánægðir yfir því að herinn skuli vera að fara burt í haust?
Hvað er eiginlega að því að þeir John, Paul og þeir félagar allir flöglri hér yfir annað slagið.
Þetta skapar rúmlega 600 manns atvinnu fyrir utan öryggið sem felst í því að hafa þyrlurnar þeirra hérna til að sækja slösuðu og veiku sjómennina okkar. Og kanski nokkrar týndar rjúpnahetjur...sem fara nú að heyra sögunni til með tilkomu fuglaflesnunar.
Þetta er álíka eins og nokkur þúsund manns myndu missa vinnuna í Reykjavík! Það yrði nú aldeilis uppi fótur og fit þá.
Við erum bara lítið aumt fátækt ríki sem hefur hangið í pilsfaldi stórabróður (eða stórumóður) og ættum bara að hanga þar lengur!
Hvað er svo sem athugavert að hafa herinn hérna áfram?

Ætla að telja upp að 100 og skrifa svo meira...ef ég nenni og hef tíma til ;)

Till next...adios

Kardemommubærinn

Kardemommubærinn var frumsýndur hjá Freyvangsleikhúsinu 25.feb. og tókst í alla staði frábærlega :)
Leikararnir ungir sem aldnir (eldri;) stóðu sig með stakri prýði sem og allir aðrir sem að þessu stóðu.
Og skora ég hér mér á alla, unga sem eldri...að drífa sig á þessa frábæru sýningu!
Eftir sýninguna var öllum...sem að sýningunni stóðu...boðið í léttar veitingar að Öngulsstöðum III ferðaþjónustu, og gerðu svo flestir sér þar glaðan dag...eða kvöld :) Svo fóru þeir alhörðustu á Vélsmiðjuna á eftir og stigu trylltan dans fram eftir nóttu...
Verð nú að viðurkenna að daginn eftir þá öfundaði ég ekki leikarana sérstaklega að þurfa að stíga á stokk og leika fyrir 140 krakka kl. 15:00! En vonandi eru bara allir sælir og glaðir eftir þetta ljómandi frumsýningarkvöld :)

Svo er FSA-minn lúni vinnustaður, búinn að fresta árshátíð (sem vera átti n.k. laugardagkv.) um 1 ÁR!!!
Vegna ónógrar þáttöku. Skildist í dag að aðeins hefðu 130 verið búnir að skrá sig.
Þetta finnst mér með endæmum lélegt, milli 600-700 manns vinna á FSA! Svo menn geta rétt ímyndað sér hvort starfsmannastefna FSA sé á réttir leið...
En við þær alhörðustu í eldhúsinu látum nú ekki deigið síga ;) og í stað árshátíðar erum við að reyna að skipuleggja eitt partý í snarheitum! Og hef ég fulla trú á að það hafist. SVo djamm djamm djamm here I com...

Vil ég samt góðfúslega benda hneiksluðum á að ég hef vart farið út úr húsi síðan í haust....svo ég vona að þetta sleppi til þótt það stefni í þriðju helgina í röð ;)

Gullmoli dagsins:
Hann Mikael sagði við mig um daginn, mjög hugsi á svip;
" Mamma, þegar stelpur verða stórar þá verða þær mömmur og þegar strákar verða stórir....þá verða þeir menn!"

Till next...adios

Sind

og skömm... það er ekki hægt að segja annað um úrslit Evórvisíon íslensku, í gær, að þau hafi verið sorgleg!
Þetta frábæra og glæsilega lag með Regínu Ósk, þurfti að víkja fyrir brandara og fíflaskap.
Ókey, Silvía Nótt á greinilega stóran aðdáendahóp hér á landi...en ég leyfi mér að stórefa að hann nái langt út fyrir landssteinana, kanski til Vestmannaeyja...ekki mikið lengra, jafnvel ekki einusinni til Grímseyjar.
Það hefði verið mun skemmtilegri landkynning að senda glæsilega söngkonu og "mini" karlakór, frekar en að senda stelpuskott á korseletti og tvo brókalalla. Þótt Sigga Beinteins sé í bakröddum! Sóvott!

Annars ætla ég nú ekki að láta þetta ergja mig mikið, það er nú víst nógu mikið ergelsi útaf þessu í minni fjölskyldu. Kristján alveg miður sín, hyggst flytja úr landi og hata alla íslendinga. Talaði meira að segja ensku lengi vel eftir úrslitin og sagðist ætla að halda með Svíjum í Eurovision í vor ;)

Jæja, ég hugsa að ég þurfi að fara að taka mig til, gera mig fína og klæðast kjól, fyir myndatöku stjórnar Freyvangsleikhússins. En þetta ku vera ein sú myndarlegasta stjórn sem setið hefur í langan tíma ;)

Hefði nú alveg valið annan dag til þessa verknaðar, ekki laust við að ég sé örlítið eftir mig eftir afmælisjúróvísíonpartý hjá Þórði bróðir í gærkvöld....og svo einnig dáltið aum eftir dráttinn síðan á föstudaginn.
Tanndráttinn svo ég fyrirbyggji nú allan misskilning! Tannsinn minn gerði sér lítið fyrir og dróg úr mér 2 endajaxla, svo nú er ég ekki mikill jaxl. Þetta var ekki gott :(

En partýið var samt alveg ljómandi...og mér skilst að Þórður ætli að standa fyrir öðru Júróvísíón partýi í vor ;) jííííhaaaaa....

Till next...adios

Sittlítiðafhvoru

...eða shitt lítið af hvorutveggja!

Nú er sturtan mín komin í lag, flísar og sturtuhurð og ég náttúrulega ljóma af hamingju :)
Nú vantar mig bara nýtt gólfefni á eldhúsið, nýjan vaska og baðskáp á baðið, ný rúm handa strákunum, eitt auka herbergi fyrir Mikael, nýjan sófa í stofuna, nýtt rúm handa mér og nýjan kall í það....handa mér ;)
Og yrði þá líf mitt fullkomið? varla...maður finnur sér alltaf eitthvað nýtt til að langa í.
Bara ef....þá....
Er ekki málið að sætta sig við það sem maður hefur og hætta að kvarta! Gera "nægjusemi" aftur að dyggð, en ekki hálfgerðu háðsyrði.
Sumt fólk á mjög erfitt með að túa því að fólk geti yfirhöfuð liðið vel, nema það eigi nýjan bíl úr kassanum, flotta íbúð og fari til útlanda minnst einusinni á ári.

Ég er nú búin að fara erlendis tvisvar á 20 ára tímabili, en get samt ekki séð að ég sé neitt óhamingjusamari en hún "Jóna" út í bæ, sem fer í 3-4 utanlandsferðir á ári. Kvartar þess á milli hvað hún eigi ómögulegann kall, óþæg börn og leiðinleg skyldmenni...sem eru þó vel nýtanleg í að passa óþægu börnin þegar henni henntar!

Æ, það er alveg ótrúlegt hvað fólk getur kvartað, yfir hlutum sem aðrir væru himinsælir með.
Og svo öfundast út í annað fók... og tala endalaust illa um annað fólk...það er nú alveg efni í nokkur blogg!

Tillitssemi virðist vera hlutur sem mjög margir eru að verða alveg lausir við. Að sega " takk" virðist vera orðið mörgum ansi erfitt. Hvernig ætli standi á þessu?
Eru foreldrar farnir að kenna börnum sínum að það borgi sig ekki að sýna tillitssemi, heldur sé það betra að stefna bara beint áfram og ekki skipta sér að því þótt einhver verði undir á þeirri leið.

Maður er kannski að gera börnum sínum óleik með að kenna þeim að segja takk, ekki að riðjast framfyrir, og sýna öðrum kurteisi og tillitssemi?!

Till next...adios

Bögg dagsins

Eitthvað hefur bloggið mitt haft veður af neikvæðum hugsunargangi mínum undanfarið, því það hefur algerlega meinað mér aðgangi að hverskyns skriftum. Röflar um einhverja fjárans köku og ekkert gerist. Svo undanfarna daga hafið þið misst af skelfilega neikvæðum bloggskrifum mínum!
En ég skal reyna að ráða bót þar á.

Bölsýni borgar sig! Ég er búin að komast að því að það virðist mun betar til árangurs að vera frekur,leiðinlegur, óþolinmóður, gribbulegur og skapvonur en að vera þolinmóður, hjálpsamur, skapgóður og í allastaði rólegheitamanneskja.

Í fyrsta lagi: ég skráði Mikael í íþróttaskóla barnanna, því miður var allt orðið fullt, en hann sagðist skrá hann á biðlista og hafa samband ef eitthvað losnaði. Svo frétti ég 2 dögum seinna að ein sem skráði sína stelpu sama dag, hefði einnig fengið þau svör að það væri orðið fullt.....en honum tókst að "troða" henni inn!
Svo sl.föstudag 3.feb. þá var ég alveg í kasti í vinnunni, og skammaðist óskaplega út í þennan íþróttaskóla, asnaleg stjórnun á þessu, börnum örugglega mismunað eftir stjórnmálaskoðunum foreldra (íþróttakennarinn er í framboðið fyrir sjálfstæðisflokkinn) og var ég orðin þess fullviss að manngarmurinn yrði með hiksta það sem eftir lifði vetri! Og sú tilhugun var bara ansi góð....
Vinnufélagar mínir sögðu að ég skyldi bara hringja í manninn og ýta á eftir því að koma drengnum þarna inn. Ég sagði að mér fyndist frekt að hringja í hann vegna þess að hann hefði sagst ætla að hringja ef eitthvað losnaði. Allar voru sammála því að það væri ekki frekt og ég skyldi gera það ekki seinna en stax. Á þeim tímapunkti ákvað ég að prufa að vera frek og hringja er ég kæmi heim úr vinnunni....en fannst það samt óyndisúrræði!
Eftir vinnu þurfti ég í apótek, og á meðan að ég var að borga þá hringir gemsinn minn. Var það sá sem sem sér um íþróttaskólann að spyrja hvort ég hefði ennþá áhuga á að koma drengnum inn. Ég varð voða ánægð og þáði það með þökkum :) og fannst um leið að maður þessi væri kanski ekki sem verstur, þrátt fyrir sínar sjálfstæðisskoðanir.
Fékk um leið talsvert samviskubit yfir vel völdu leiðindarorðunum er ég hafði látið falla klukkutíma fyrr við kaffiborðið í vinnunni...og lofaði sjálfri mér að láta aldrei svona aftur.

Fór svo heim og varð enn glaðari er ég sá að sturtuhurð var komin í hús. Reyndar bara í pakkanum ennþá en það var þó mikið gaman að sjá það. Ég hafði nefnilega verið nokkuð viss um að gamla ljóta leka sturtuhengið yrði bara lagað og baráttan við sullubullið héldi áfram!
Nú bíð ég bara eftir að bubbibyggir komi og klári verkið, það hlýtur að fara að koma, því hann sagði í upphafi að þetta tæki 2 daga, en nú er komin vika síðan ég varð sturtulaus.
Farin að lykta eins og hákarl en samt þokkalega sátt fyrst hurðin er komin.

Og fátt er svo með öllu íllt....því ég hef afrekað að fara í sund með strákana, þeim til mikillar gleði! En þakka um leið fyrir að það skuli vera 10°C hiti nú í byrjun febrúar, sem ku nú ekki vera mjög algengt.

ÉG er ennþá á báðum áttum hvort ég eigi að fara yfir í það að vera frekjugribba, eða halda áfram að vera þolinmóð kurteis og góð :) ætla að vega og meta kosti og galla og sjá svo til.
Gribbutýpurnar virðast nú samt vera snöggar að ná sér í kalla, og yfirleitt nokkuð góða kalla, svo þetta er spurning.

Enda er ég ennþá í 2 ára sjálfskipuðu karlabindindi mínu (eða var það 1 ár?) svo ég þarf nú ekki að hafa áhyggjur af því.

Till vext...adios

28.janúar

Þá eru það fréttir dagsins: fædd er stúlka Árnadóttir og Siggu Láru.
Aðeins lét nú daman bíða eftir sér, á háttvísan og dömulegan hátt. Það er neflilega svoleiðis með okkur kvenkynið, að það er þess virði að bíða eftir okkur.
Svo er hún greinilega öll í föðurættina og er ekkert að flýta sér alltof mikið. Kom bara þegar hún nennti.
Til hamingju Árni og Sigga Lára :)
Nú er verst að vera svona langt í burtu.

Annars er ég farin að halda að ég skrifi hér fyrir daufum eyrum! Engin les þetta tuð orðið a.m.k er ég alveg hætt að fá komment á bloggið mitt. Svo kanski nenni ég þessu ekki mikið lengur :/

Ég var að horfa á söngvakeppni sjónvarpsins og verð að segja að í kvöld var ekki mikið af góðum lögum. Og reyndar nokkur sem voru alveg afleit.
Sá nú í dagskránni sem kom út í vikunni að þar var verið að kvetja Akureyringa til að kjósa lag konu einnar héðan. Fannst það reynar algerlega út í hött að sjá svona auglýsingu, afhverju í óskupunum ætti fólk að kjósa lag eftir því hvaðan höfundurinn er? Er þetta ekki keppni um besta lagið, ekki hvaða staður á landinu getur kosið mest.
Enda kom svo í ljós að þetta var með verri lögunum í keppninni. Og blessuð konan sem samdi lagið hefði augljóslega átt að fá einhverja aðra til að syngja lagið fyrir sig. Þá hefði það sennilega átt pínulítið betir séns.

Ég er í einhverju letikasti þessa dagana, eða þessar vikurnar, sérstaklega við það að koma mér út fyrir húsdyrnar. Ég hef ekki farið á djamm síðan í byrjun nóvember. Er ekki að nenna þessu, verð nú að fara að taka mig saman í andlitinu og draga sjálfa mig út úr húsi...þegar ég nenni.

Till next...adios

Fjólublár trélitur

Sú staða kom upp rétt í þessu, að sonur minn sá eldri, æddi hér um allt hús að leita að fjólubláum trélit.
Ekki dugði að brúka öðruvísi litasamsetiningu í myndskreytinguni sem hann vann að og heldur ekki aðra tegund lita. Svona fyrir sálarheilli sonar míns fór það svo að ég tók þátt í leitinni miklu.
Niðurstaðan var sú að ég fann 2 fjólubláa tússliti og einn fjólubláan vaxlit. Nú voru góð ráð dýr, ekki vaxa tré á hverju strái, svo það var úr vöndu að ráða. Þegar ég var að niðurlotum komin þá loksins fann Kristján litabox nokkurt sem staðsett var á skrifborðinu hanns og mér og honum til mikkilar gleði innihélt það fjólubláan lit.

Ég varpaði öndinni léttar og settist niður við tölvuna, ég vissi hreinlega ekki hvort var meira taugastrékkjandi, leitin að fjólubláa litnum eða að sjá íslendinga gera jafntefli við dani eftir að hafa verið með forskot allan f.... leikinn!

Yfirgribba gubbudóttir er enn að auka á gráleita blæinn á höfði mér...hún heldur eflaust að það verði til þess að hún verði flottari en ég....pufff! In her dreams. Það er sko sama hvernig þetta skass hamast í ræktinni 7 daga vikunnar, hún lítur alltaf út fyrir að vera rauð blaðra sem er rétt að því komin að springa með háum hvelli. Svo er hún heimskari en heimskaramannaráðuneytið gerði sér grein fyrir í greinagerð sem hún sendi til heimskramannaráðherrans hans Pésa Blö.
Svona konur á náttúrulega án alls vafa að senda með fyrstu vél til norður síberíu þar sem hún getur eytt sinni fúllindu æfi í að elda snjósúpu fyrir ímyndaða eskimóa og kafbáta.

Ég veit að það er ekki fallegt að tala ljótt, og hvað þá um annað fólk (held samt stundum að hún tilheyri ekki mannfólki heldur frekar homo skrípísens eða hómó krípísens) en hún er ein af mjög fáum sem ég get bara alls ekki fundið neitt jákvætt hjá. Og þegar hún er búin að böggast í mér og öðru starfsfólki sem hefur skilað framúrskarandi vinnu undir miklu álagi, þá á hún það bara skilið að ég böggi hana á bloggi!

Og ef hún kemst að því og ég verð rekin....þá VEI !

Till next...adios

ADSL

Jæja, ég ætla að byrja á að afsaka laaaaanga fjarveru mína frá þessum miðli.
En það er aðallega vegna þess að ég var alveg búin að gefast upp á blessaðri netttenginunni minni.
En nú er ég komin í hóp fullorðna fólksins og komin með ADSL og ætla að vona að því fylgi ógurlegur dugnaður við að skrifa misgáfuleg orð hér!

Jólin búin, nýtt ár byrjað, slatti af ættingjum búnir að eiga afmæli og beðið eftir öðrum með óþreyju...

Ég er búin að komast að því að ég á ósýnilegan bíl, a.m.k er svínað fyrir mig oft á dag núorðið...er meira að segja búin að labba hringinn og tékka á ljósum og svoleiðis og það virðist allt virka voða fínt. Svo, ég er konan á ósýnilega bílnum ;)

Ég er að hugsa um að taka líf mitt til gagngerrar endurskoðunar, en bara nenni því ekki núna.

Fékk þessa fínu fávitafælu í jólagjöf og hef komist að því að það hefa verið eintómir fávitar í kring um mig, ég hitti a.m.k ekki hræðu þessa dagana.

Jæja, ég ætla að halda áfram að væflast á netinu í tilefni dagsins.

Já og til hamingju með daginn karlmenn :)

Till next...adios